Услови за користење на страницата
Условите за користење на страницата „Понуди за работа“ важат од денот кога ќе се регистрирате на неа и ќе почнете да ги користите нашите услуги. На страницата можат да се регистрираат и да имаат свој кориснички профил и огласувачите, и барателите на работа, на посебните икони резервирани за таа цел на дното на страницата.
Регистрираните огласувачи, работодавачи или компании преку својот кориснички профил можат во секое време да објавуваат огласи за работни места, да ги следат добиените апликации, да пребаруваат CV-а и да ги користат сите напредни функции што се инсталирани на страницата „Понуди за работа“. Огласите, или пакетите со огласи и реклами, се наплатуваат според објавениот ценовник, директно со онлајн плаќање или преку фактура.
Ние сме обврзани да го објавиме огласот, т.е. да ја реализираме набавката на пакетот најдоцна за два дена и за тоа да ви испорачаме потврда по мејл. Уплатените средства нема да се враќаат, но можат да се пренаменат за друг оглас доколку постои оправдана причина за одлагањето и доколку навремено се јавите во нашата маркетинг служба.
Тимот на „Независен“, кој ја уредува страницата за огласи, го задржува правото да ги брише текстовите со несоодветни, навредливи и дискриминаторски содржини, согласно со законските пописи за регулирање на работата на медумите во Северна Македонија. „Независен“ го задржува и правото да интервенира граматички и јазично во огласите, според правилата за медиумско работење.
Барателите на работа можат да ја користат нашата страница „Понуди за работа“ за следење на огласите, но за да аплицираат треба да регистрираат кориснички профил на кој можат да прикачат свое CV, да го модифицираат и да го избришат. Барателите на работа можат да ја користат страницата само за оваа цел, а никако за комерцијални или други намери, бидејќи во спротивно тоа ќе повлече блокирање и бришење на корисничкиот профил.
Резимето, т.е објавеното CV на барателите на работа можат да го видат компаниите каде што аплицирале, но и тие што се регистрирани на страницата, но со нивна претходна согласност.
„Независен“ не е одговорен ниту пак може да ја гарантира точноста на изнесените лични податоци, контакти, наведени квалификации и сите останати информации наведени во CV-ата на кандидатите за работа и во огласите на работодавачите, а соодветно на тоа не одговара и за било каква штета што можат да ја предизвикаат тие податоци. Со регистрацијата на страницата „Понуди за работа“ работодавачите и барателите на работа даваат согласност да се пребаруваат податоците што се достапни на нивните кориснички профили, а пред се деталите објавени во CV, контакт информациите и слично. Со одбирање на опцијата “Дозволи пребарување на податоците“ барателите на работа овозможуваат на посетителите на страницата регистрирани во тоа својство слободно да пристапат до нивните лични податоци наведени во CV-то, до молбата за вработување и другите документи, а во интерес на добивањето на работно место.
Обработката на личните податоци е во согласност со одредбите од Законот за заштита на лични податоци и е исклучиво за целите за аплицирање на огласи за работни места, како и за вршење на сите други активности што се строго поврзани со огласување и аплицирање на огласи за работни места.
Работодавачите и барателите на работа можат во било кој момент со писмено барање до маркетинг службата на „Независен“ да побараат отповикување на согласноста за пристап до податоците и за деактивирање на корисничката сметка.
Името на страницата „Понуди за работа“, како дополнителна страница на „Независен“, е законски заштитено. Неговата графичката обработка, фотографиите и содржината се сопственост на „Независен“ и се заштитени со Законот за авторски и сродни права.
За сите правни односи меѓу „Независен“ компаниите, огласувачите или барателите на работа ќе се применуваат македонските закони.
Заштита на податоците на страницата „Понуди за работа“
„Независен“, како сопственик на страницата „Понуди за работа“, се води од еден генерален принцип: Ние го почитуваме вашето право на приватност и ќе го заштитиме на најдобар можен начин. Од кои причини сепак треба да ги собереме вашите лични податоци? Тоа го правиме заради следните цели:
– Креирање кориснички профили кои ќе гарантираат дека зад нив стојат реални компании и кандидати за работа.
– Обезбедување на датотека со CV-ја што ќе бидат достапни и отворени за прегледување од компаниите и за преуредување и дополнување од кандидатите за работа во секое време заради полесно аплицирање за понуди за работа.
– Прием, пренесување и следење на апликациите испратени до работодавачите.
– Добивање, по ваше барање, на електронски писма со најновите огласи за работа.
– Одредени податоци исто така треба да ги заштитат нашите интереси во случај на спор или друга правна ситуација.
– Личните податоци опишани погоре се собираат само затоа што се неопходни за извршување на услугите за кои сте се регистрирале на страницата.
– Вашите лични податоци се заштитени исто така со технички и организациски мерки, заради нивната безбедност и доверливост.
-„Независен“ исто така обезбедува заштита на онлајн плаќањето на огласите и рекламите, соодветно на заштитата на што ја добивате во трговската мрежа и поддржана со банкарска асистенција.
Огласите на страницата „Понуди за работа“ автоматски ќе се деактивираат по истекот на рокот што е платен за нив. Што се однесува до личните и податоците на компаниите, доколку тие како корисници ја затворат сметката, и нивните податоци ќе бидат избришани.
Секој спор во врска со толкувањето или извршувањето на договорните обврски предвидени на оваа страница, а што не може да се реши во директна комуникација, ќе потпадне под исклучителна надлежност на македонските судови. „Независен“ се обврзува да обезбеди најдобро можно исполнување на платената услуга, но нема да одговара ако поради виша сила или околности надвор од наша контрола не успее во тоа, особено во случај на прекин на работата на страницата поради нефункционирање на интернет мрежата или на хостингот.